"Bavariya" himoyachi Luka Ernandes bilan shartnomani uzaytirmoqchi. Jurnalist Fabrisio Romanoning so‘zlariga ko‘ra, tomonlar yanvar oyida muzokaralarning yangi bosqichini o‘tkazadi.

22 noyabr kuni himoyachi Avstraliya bilan JCH-2022 guruh bosqichining birinchi o‘yinida (4:1) o‘ng tizzasining oldingi xoch bog‘lami yorilib ketdi va kamida olti oyga safdan chiqdi.

Futbolchining Qatardagi jahon chempionatida olgan jarohati nemis jamoasining fransuz bilan mehnat shartnomasini uzaytirish qaroriga ta’sir qilmadi.

26 yoshli fransuzning myunxenliklar klubi bilan amaldagi shartnomasi 2024 yilning yoziga qadar mo‘ljallangan. Joriy mavsumda Ernandes Germaniya chempionatida 7 ta o‘yin o‘tkazdi.