Hujumchi Mateus Kunya "Vulverxempton"ga o‘tishi haqida fikr bildirdi.
Braziliyalik futbolchi Madridning “Atletiko” klubidan ijaraga olindi. Mavsum yakunida Premyer-liga klubi 23 yoshli braziliyalik futbolchini sotib olish imkoniyatiga ega bo‘ladi.
"Bunday katta klubning bir qismi bo‘lganimdan juda xursandman. Men o‘zimni Premyer-ligada sinab ko‘rishga qiziqaman. Yosh bolalarcha xursandman.
"Vulverxempton" bosh murabbiyi Xulen Lopetegi menga loyiha qanchalik jiddiy ekanini aytdi va bu so‘zlarga ishondim. Men ham jamoaga va yangi jamoadoshlarga ishonaman.
Ha, hozir “Vulverxempton” qiyin ahvolda, imkon qadar ko‘proq ochko olishlari kerak. Lekin ishonchim komilki, buni amalga oshirish mumkin. Biz jamoani munosib joyiga qaytaramiz", - deya braziliyalik futbolchining so‘zlaridan iqtibos keltiradi klub matbuot xizmati.
