Ҳужумчи Матеус Кунья "Вулверхемптон"га ўтиши ҳақида фикр билдирди.
Бразилиялик футболчи Мадриднинг “Атлетико” клубидан ижарага олинди. Мавсум якунида Премьер-лига клуби 23 ёшли бразилиялик футболчини сотиб олиш имкониятига эга бўлади.
"Бундай катта клубнинг бир қисми бўлганимдан жуда хурсандман. Мен ўзимни Премьер-лигада синаб кўришга қизиқаман. Ёш болаларча хурсандман.
"Вулверхэмптон" бош мураббийи Хулен Лопетеги менга лойиҳа қанчалик жиддий эканини айтди ва бу сўзларга ишондим. Мен ҳам жамоага ва янги жамоадошларга ишонаман.
Ҳа, ҳозир “Вулверхэмптон” қийин аҳволда, имкон қадар кўпроқ очко олишлари керак. Лекин ишончим комилки, буни амалга ошириш мумкин. Биз жамоани муносиб жойига қайтарамиз", - дея бразилиялик футболчининг сўзларидан иқтибос келтиради клуб матбуот хизмати.
