«Manchester Yunayted» ayni damda «Benfika» yarim himoyachisi Enso Fernandesga jiddiy qiziqish bildirmoqda.
Jurnalist Bruno Andradening so‘zlariga ko‘ra, hozirda faqat «mankunianliklar» futbolchining 120 million yevroni tashkil qiluvchi tovon pulini to‘lashga tayyor.
«Real Madrid» va «Liverpul» tomonidan qiziqish bo‘lishiga qaramay, bu klublar kerakli pulni to‘lashga tayyor emaslar.
«Benfika» o‘z yarim himoyachisi transferi bo‘yicha muzokaralar olib borishdan bosh tortmoqda. Lissabon klubi potensial xaridor summaning to‘liq miqdorini to‘lashi kerakligini ta’kidlaydi.
Fernandes yaqinda Argentina terma jamoasi safida jahon chempioni bo‘ldi. Futbolchi shu yozda «Benfika»ga o‘tgan edi.
