«Манчестер Юнайтед» айни дамда «Бенфика» ярим ҳимоячиси Энцо Фернандесга жиддий қизиқиш билдирмоқда.
Журналист Бруно Андраденинг сўзларига кўра, ҳозирда фақат «манкунианликлар» футболчининг 120 миллион еврони ташкил қилувчи товон пулини тўлашга тайёр.
«Реал Мадрид» ва «Ливерпуль» томонидан қизиқиш бўлишига қарамай, бу клублар керакли пулни тўлашга тайёр эмаслар.
«Бенфика» ўз ярим ҳимоячиси трансфери бўйича музокаралар олиб боришдан бош тортмоқда. Лиссабон клуби потенциал харидор сумманинг тўлиқ миқдорини тўлаши кераклигини таъкидлайди.
Фернандес яқинда Аргентина терма жамоаси сафида жаҳон чемпиони бўлди. Футболчи шу ёзда «Бенфика»га ўтган эди.
