«Aston Villa» bosh murabbiyi Unai Emeri klub yarim himoyachisi Filippe Koutinyo haqida fikr bildirdi.
«Men bu yerga kelganimda Koutinyo ikki yoki uch marta mashg‘ulot o‘tkazgandi. U juda yaxshi mashq qildi.
U hayajonlanib, menga eng yaxshi iqtidorini ko‘rsatishga harakat qildi. Jarohat uning uchun ham, klub uchun ham yoqimsiz daqiqalarni olib keldi. Hozir u har kuni mashg‘ulot o‘tkazmoqda va men uning juda yaxshi ekanligini ko‘rmoqdaman.
Koutinyodan eng yaxshisini kutaman. Dushanba uning uchun «Liverpul»ga qarshi juda o‘ziga xos o‘yin bor va menimcha, u tarkibda bo‘ladi.
U 90 daqiqa o‘ynashga tayyor emas, lekin men uni maydonda ko‘rishni xohlayman, u o‘zining iqtidori bilan bizga ko‘p yordam bera oladi», - dedi Emeri.
