«Астон Вилла» бош мураббийи Унаи Эмери клуб ярим ҳимоячиси Филиппе Коутиньо ҳақида фикр билдирди.
«Мен бу ерга келганимда Коутиньо икки ёки уч марта машғулот ўтказганди. У жуда яхши машқ қилди.
У ҳаяжонланиб, менга энг яхши иқтидорини кўрсатишга ҳаракат қилди. Жароҳат унинг учун ҳам, клуб учун ҳам ёқимсиз дақиқаларни олиб келди. Ҳозир у ҳар куни машғулот ўтказмоқда ва мен унинг жуда яхши эканлигини кўрмоқдаман.
Коутиньодан энг яхшисини кутаман. Душанба унинг учун «Ливерпул»га қарши жуда ўзига хос ўйин бор ва менимча, у таркибда бўлади.
У 90 дақиқа ўйнашга тайёр эмас, лекин мен уни майдонда кўришни хоҳлайман, у ўзининг иқтидори билан бизга кўп ёрдам бера олади», - деди Эмери.
