"Real Betis" hujumchisi Borxa Igelesiasga "Atletiko Madrid" qiziqish bildirmoqda, deb xabar beradi Marca.
Madrid klubi 17 yanvar kuni 30 yoshga to‘ladigan hujumchining atrofidagilar bilan allaqachon aloqaga chiqqan.
Mateus Kunya "Vulverxempton"ga o‘tganidan so‘ng, Alvaro Morata "matraschilar"ning yagona markaziy hujumchisi bo‘lib qoldi.
La Liganing 2022/23 yilgi mavsumida Iglesias 17 ta o‘yinda 8 ta gol urdi va 3 ta golga assistentlik qildi. Faqatgina "Barselona" hujumchisi Robert Levandovski ko‘proq gol urdi - 13ta.
Iglesiasning "Real Betis" bilan shartnomasi 2026 yilning yoziga qadar mo‘ljallangan. Transfermarkt uni 25 million yevroga baholamoqda.