"Реал Бетис" ҳужумчиси Борха Игелесиасга "Атлетико Мадрид" қизиқиш билдирмоқда, деб хабар беради Marca.
Мадрид клуби 17 январь куни 30 ёшга тўладиган ҳужумчининг атрофидагилар билан аллақачон алоқага чиққан.
Матеус Кунья "Вулверхэмптон"га ўтганидан сўнг, Альваро Мората "матрасчилар"нинг ягона марказий ҳужумчиси бўлиб қолди.
Ла Лиганинг 2022/23 йилги мавсумида Иглесиас 17 та ўйинда 8 та гол урди ва 3 та голга ассистентлик қилди. Фақатгина "Барселона" ҳужумчиси Роберт Левандовски кўпроқ гол урди - 13та.
Иглесиаснинг "Реал Бетис" билан шартномаси 2026 йилнинг ёзига қадар мўлжалланган. Transfermarkt уни 25 миллион еврога баҳоламоқда.