Madridning "Atletiko" klubi hujumchisi Joau Feliks jamoadan ketishi mumkin. Le10Sport nashri xabariga ko‘ra, futbolchiga "Arsenal" va "Manchester Yunayted" jiddiy qiziqish bildirmoqda.
Avvalroq, "matraschilar" bosh murabbiyi Diyego Simeone bilan kelishmovchiliklarga uchragan portugaliyalik futbolchi qishda boshqa jamoaga o‘tishga tayyorligi xabar qilingandi. Madrid klubi 23 yoshli Feliks transferidan kamida 100 million yevro ishlab olmoqchi. Ular 2019 yilda Joau uchun "Benfika"ga 127 million yevro kompensasiya to‘lagan.