Мадриднинг "Атлетико" клуби ҳужумчиси Жоау Феликс жамоадан кетиши мумкин. Le10Sport нашри хабарига кўра, футболчига "Арсенал" ва "Манчестер Юнайтед" жиддий қизиқиш билдирмоқда.
Аввалроқ, "матрасчилар" бош мураббийи Диего Симеоне билан келишмовчиликларга учраган португалиялик футболчи қишда бошқа жамоага ўтишга тайёрлиги хабар қилинганди. Мадрид клуби 23 ёшли Феликс трансферидан камида 100 миллион евро ишлаб олмоқчи. Улар 2019 йилда Жоау учун "Бенфика"га 127 миллион евро компенсация тўлаган.