Zlatan Ibrahimovichning futbol maydonidagi betakror elastik harakatlari va to‘pga ajoyib tarzda moslashuvchanligi ko‘p jihatdan uning jang san’atlariga bo‘lgan ishtiyoqi bilan bog‘liq.
Bu haqda 41 yoshga to‘lganiga qaramay, faoliyatini davom ettirayotgan futbolchining o‘zi aytib o‘tdi.
«Kichkinaligimda taekvondo bilan shug‘ullanganman, bu sport turi menga juda yoqardi. Shuning uchun ham men shunday harakat qilishni o‘rgandim, maydonda turli harakatlarni bajardim, shundan so‘ng boshqalar «yo‘q, mumkin emas, bu futbol emas» deyishdi. Mana shu mahorat evaziga aql bovar qilmas gollar urdim», - dedi Italiyaning «Milan» klubi hujumchisi.
