Златан Ибраҳимовичнинг футбол майдонидаги бетакрор эластик ҳаракатлари ва тўпга ажойиб тарзда мослашувчанлиги кўп жиҳатдан унинг жанг санъатларига бўлган иштиёқи билан боғлиқ.
Бу ҳақда 41 ёшга тўлганига қарамай, фаолиятини давом эттираётган футболчининг ўзи айтиб ўтди.
«Кичкиналигимда таэквондо билан шуғулланганман, бу спорт тури менга жуда ёқарди. Шунинг учун ҳам мен шундай ҳаракат қилишни ўргандим, майдонда турли ҳаракатларни бажардим, шундан сўнг бошқалар «йўқ, мумкин эмас, бу футбол эмас» дейишди. Мана шу маҳорат эвазига ақл бовар қилмас голлар урдим», - деди Италиянинг «Милан» клуби ҳужумчиси.
