"Brentford" bosh murabbiyi Tomas Frank "Tottenxem"ga (2:2) qarshi APLning 17-tur uchrashuvida jamoaning o‘yiniga yuqori baho berdi.

"Raqibni o‘yinga kirishi qiyinligini bilardik. Shuning uchun biz bundan unumli foydalana oldik va 2:0 hisobidagi ustunlikni qo‘lga kiritdik.

Agar butun o‘yinga baho beradigan bo‘lsak, o‘ylaymanki, biz g‘alabaga haqli edik. Afsuski, raqib futbolchilarining individual mahorati o‘z ta’sirini o‘tkazdi.

Uchrashuv oldidan Keynni to‘xtatishga harakat qilish kerakligini ta’kidlagandik. Ammo bunday hujumchiga uchrashuv natijasini hal qilish uchun bir daqiqa kifoya qiladi. Bu buyuk o‘yinchining belgisidir", - dedi murabbiy BBC bilan suhbatda.

"Brentford" turnir jadvalida 9-o‘ringa ko‘tarilib oldi, “Tottenxem” esa 4-o‘rinni egallashda davom etmoqda.