"Брентфорд" бош мураббийи Томас Франк "Тоттенхэм"га (2:2) қарши АПЛнинг 17-тур учрашувида жамоанинг ўйинига юқори баҳо берди.
"Рақибни ўйинга кириши қийинлигини билардик. Шунинг учун биз бундан унумли фойдалана олдик ва 2:0 ҳисобидаги устунликни қўлга киритдик.
Агар бутун ўйинга баҳо берадиган бўлсак, ўйлайманки, биз ғалабага ҳақли эдик. Афсуски, рақиб футболчиларининг индивидуал маҳорати ўз таъсирини ўтказди.
Учрашув олдидан Кейнни тўхтатишга ҳаракат қилиш кераклигини таъкидлагандик. Аммо бундай ҳужумчига учрашув натижасини ҳал қилиш учун бир дақиқа кифоя қилади. Бу буюк ўйинчининг белгисидир", - деди мураббий BBC билан суҳбатда.
"Брентфорд" турнир жадвалида 9-ўринга кўтарилиб олди, “Тоттенхэм” эса 4-ўринни эгаллашда давом этмоқда.
