PSV vingeri Kodi Gakpo Premyer-ligaga o‘tishga yaqin turibdi.
The Athletic xabariga ko‘ra, niderlandiyalik futbolchini sotib olish bo‘yicha muzokaralar "Liverpul" tomonidan olib borilmoqda va ular allaqachon yakuniy bosqichda.
Mersisaydliklar shartnomani qishki transfer oynasi ochilgunga qadar 1 yanvargacha yopishmoqchi. Asosiy summa taxminan 37 million funtni tashkil qiladi.
Futbolchiga "Manchester Yunayted" va "Chelsi" ham da’vogarlik qilmoqda, ammo kurashda "Liverpul" yetakchilik qilmoqda.
Joriy mavsumda 23 yoshli vinger Niderlandiya chempionatida 14 ta o‘yinda maydonga tushib, 21 (9+12) ochko jamg‘argan.