ПСВ вингери Коди Гакпо Премьер-лигага ўтишга яқин турибди.
The Athletic хабарига кўра, нидерландиялик футболчини сотиб олиш бўйича музокаралар "Ливерпуль" томонидан олиб борилмоқда ва улар аллақачон якуний босқичда.
Мерсисайдликлар шартномани қишки трансфер ойнаси очилгунга қадар 1 январгача ёпишмоқчи. Асосий сумма тахминан 37 миллион фунтни ташкил қилади.
Футболчига "Манчестер Юнайтед" ва "Челси" ҳам даъвогарлик қилмоқда, аммо курашда "Ливерпуль" етакчилик қилмоқда.
Жорий мавсумда 23 ёшли вингер Нидерландия чемпионатида 14 та ўйинда майдонга тушиб, 21 (9+12) очко жамғарган.
