"Manchester Yunayted" Kodi Gakpoga muqobil sifatida "Napoli" hujumchisi Viktor Osimxenni ko‘rib chiqishga tayyor.
Manchester Evening News xabariga ko‘ra, niderlandiyalik futbolchi "Liverpul"ga o‘tishga qaror qilganidan so‘ng, "Manchester Yunayted" Gakpoga o‘rinbosar izlay boshlagan. Bu rolga Osimxen asosiy da’vogar.
Oldinroq, 23 yoshli nigeriyalik futbolchi yaqin orada Italiya klubini tark etmoqchi emasligini aytgandi.
Osimxen “Napoli”da 2020 yil sentyabridan buyon to‘p suradi. 2022/23 yilgi mavsumda u neapolliklar safida 14 uchrashuvda 10 ta gol urdi va 3 ta golli uzatmani amalga oshirdi.
Transfermarkt portali futbolchining narxini 70 million yevroga baholamoqda.