"Манчестер Юнайтед" Коди Гакпога муқобил сифатида "Наполи" ҳужумчиси Виктор Осимхенни кўриб чиқишга тайёр.
Manchester Evening News хабарига кўра, нидерландиялик футболчи "Ливерпуль"га ўтишга қарор қилганидан сўнг, "Манчестер Юнайтед" Гакпога ўринбосар излай бошлаган. Бу ролга Осимхен асосий даъвогар.
Олдинроқ, 23 ёшли нигериялик футболчи яқин орада Италия клубини тарк этмоқчи эмаслигини айтганди.
Осимхен “Наполи”да 2020 йил сентябридан буён тўп суради. 2022/23 йилги мавсумда у неаполликлар сафида 14 учрашувда 10 та гол урди ва 3 та голли узатмани амалга оширди.
Transfermarkt портали футболчининг нархини 70 миллион еврога баҳоламоқда.