Voetbal International xabariga ko‘ra, "Inter" himoyachisi Stefan de Vreyga "Tottenxem" va "Atletiko" qiziqish bildirmoqda.
Londonliklar va madridliklar 30 yoshli niderlandiyalik futbolchini erkin agent sifatida 2023 yilning yozida, futbolchining "neradzurrilar" bilan shartnomasi tugaydigan paytda o‘z safiga qo‘shib olishni rejalashtirmoqda. Milan klubi De Vrey bilan shartnomani uzaytirishga umid qilmoqda.
Transfermarkt portali futbolchining narxini 15 million yevroga baholamoqda.
De Vrey joriy mavsum A Seriyada 12 ta o‘yinda maydonga tushdi va 1 ta gol urdi.
