"Chelsi" "Vasko da Gama" yarim himoyachisi Andre Santosni sotib olishga rozi bo‘ldi, deya xabar beradi jurnalist Fabrisio Romano.
Manbaga ko‘ra, londonliklar 18 yoshli braziliyalik uchun 12,5 million yevro to‘laydi. Bonuslarni qo‘shib hisoblaganda, shartnoma kelajakda 20 million yevrogacha o‘sishi mumkin.
Andre Santos - "Vasko da Gama" tarbiyalanuvchisi. Joriy mavsumda u jamoa safida 42 ta o‘yinda maydonga tushib, 11 ta gol urdi. Transfermarkt.com portali futbolchining narxini 5 million yevroga baholamoqda.