"PSJ" himoyachisi Serxio Ramos 2023 yil boshlanganidan keyin boshqa jamoalar bilan muzokara boshlash huquqiga ega. Gap shundaki, futbolchi haligacha parijliklardan kelasi yozda tugaydigan shartnomani uzaytirish bo‘yicha taklif olmagan, deb xabar beradi Mundo Deportivo.

Balki bahorda 37 yoshga to‘ladigan Ramos boshqa jamoaga o‘tishga rozi bo‘lmasa, "PSJ" bir necha oy ichida unga bir mavsumga yangi shartnoma taklif qilishi mumkin.

Ramos 2021 yilning yozida “Real”dan “PSJ”ga tekinga o‘tgan edi. Ispaniyalik futbolchi joriy mavsumda 20 ta o‘yinda maydonga tushdi.