"Neftichi"ga qaytib, bugun klub bilan shartnoma imzolagan Anvar G‘ofurov jamoa matbuot xizmatiga intervyu berdi.

— Anvarjon, avvalambor, “Neftchi”safiga qaytganingiz bilan tabriklayman. Klubga qaytishingizga nima turtki berdi?
—  Jonajon jamoamga qaytganimdan juda ham xursandman. Klubga bo‘lgan mehrim va jamoamiz bilan yangi mavsumda medallar uchun kurashish sababidan "Neftchi"ga qaytdi. Bundan tashqari, jamoamiz safida tajribali futbolchilar yig‘ilgan.

— O‘tgan mavsum birinchi davrasida jamoamizni birinchi davradayoq tark etgansiz. Bunga sabab nima bo‘lgan edi?
— Yaxshi savol berdingiz, o‘tgan mavsumda “Neftchi”ni tark etish niyatim yo‘q edi, bu borada o‘zimga ham muxlislar ko‘p savol berishgan. To‘g‘risini aytaman, ketishimga sabab o‘sha paytdagi murabbiy bilan oramizda ozgina kelishmovchilik bo‘lgan edi va jamoani tark etishimga to‘g‘ri kelgan.

— “Neftchi” jamoasi safida o‘ynamagan bo‘lsangiz ham baribir jamoamizga befarq emassiz,  o‘tgan mavsum davralar oralig‘idagi murabbiylar o‘zgarishi jamoaga qanday ta’sir qildi, deb o‘ylaysiz?
— Murabbiylar shtabi o‘zgarishi bilan “Neftchi”da ijobiy o‘zgarishlarni hamma ko‘rdi. Vitaliy Grigorevich Yevropa futboli taktikalarini qo‘laydigan mutaxassis xisoblanadi, uning jamoaga kelishi o‘z samarasini berdi va klub Superligada qoldi. Umuman olganda, bosh murabbiy taktikalari mening o‘yin amaliyotimga mos keladi. Xudo hoxlasa yangi mavsumda medallar uchun kurashamiz.

— Yangi mavsumga muxlislar uchun tilaklaringiz?
— Muxlislarimiz yangi mavsumda “Istiqlol” stadionga kelib qo‘llab-quvvatlab turishsa, biz maydonda jonimizni berib, mavsum yakunida ularni medallar bilan xushnud etishga harakat qilamiz

"Neftchi" PFK matbuot xizmati.