"Napoli"ning meksikalik hujumkor yarim himoyachisi Irvin Losano joriy mavsum oxirida jamoani tark etishi mumkin va Italiya klubi allaqachon uning o‘rniga futbolchi qidirmoqda.
Record xabariga ko‘ra, neapolliklar "Benfika"ning braziliyalik vingeri David Neresni diqqat bilan kuzatib borishmoqda.
Neres o‘tgan yilning yozida "Shaxtyor"dan Lissabon jamoasiga o‘tgan edi. Avvalroq futbolchi Amsterdamning “Ayaks” klubida o‘ynagan. Xabarlarga ko‘ra, rahbariyat "Napoli"ning futbolchiga qiziqishidan xabardor va portugaliyaliklar o‘z futbolchisini 40 million yevrodan kamiga qo‘yib yubormaydi.
Joriy mavsumda Neres Lissabon jamoasi safida 22 ta rasmiy o‘yinda maydonga tushib, 8 ta gol urdi va 8 ta golli uzatmani amalga oshirdi.