"Наполи"нинг мексикалик ҳужумкор ярим ҳимоячиси Ирвин Лосано жорий мавсум охирида жамоани тарк этиши мумкин ва Италия клуби аллақачон унинг ўрнига футболчи қидирмоқда.
Record хабарига кўра, неаполликлар "Бенфика"нинг бразилиялик вингери Давид Нересни диққат билан кузатиб боришмоқда.
Нерес ўтган йилнинг ёзида "Шахтёр"дан Лиссабон жамоасига ўтган эди. Аввалроқ футболчи Амстердамнинг “Аякс” клубида ўйнаган. Хабарларга кўра, раҳбарият "Наполи"нинг футболчига қизиқишидан хабардор ва португалияликлар ўз футболчисини 40 миллион евродан камига қўйиб юбормайди.
Жорий мавсумда Нерес Лиссабон жамоаси сафида 22 та расмий ўйинда майдонга тушиб, 8 та гол урди ва 8 та голли узатмани амалга оширди.