Londonning “Chelsi” klubining italiyalik yarim himoyachisi Jorjinyoning agenti Joau Santos o‘z mijoziga “Napoli” qiziqayotgani haqidagi ma’lumotga izoh berdi.
“Biz Neapoldan taklif bo‘lsa, mamnuniyat bilan qabul qilamiz. "Napoli" - Jorjinyo uchun o‘ziga xos klub. Biroq hozircha ular bilan gaplashmadik", - deya Santos so‘zlarini keltirgan jurnalist Fabrisio Romano.
Eslatib o‘tamiz, yarim himoyachining ingliz klubi bilan shartnomasi kelasi yozda yakuniga yetadi. Shu tariqa, u boshqa klubga tekinga o‘tishi mumkin bo‘ladi.
31 yoshli Jorjinyo joriy mavsumda “Chelsi” safida barcha turnirlarda 20 ta o‘yinda maydonga tushdi va 3 ta gol urdi.
