«Liverpul» bosh murabbiyi Yurgen Kloppning fikricha, «Arsenal» va «Manchester Siti»ga yetishish juda qiyin vazifa.
«Liverpul» ayni dam APL turnir jadvalida oltinchi o‘rinda bo‘lib, to‘rtinchi o‘rindagi «Tottenxem»dan 5 ochko ortda qolmoqda. Peshqadam «Arsenal» Klopp jamoasini 15 ochkoga, «Manchester Siti» esa o‘n ochkoga ortda qoldiryapti.
«Ochig‘i, kuchli to‘rtlikdan joy olishga da’vogarlar ko‘p, lekin ularni faqat to‘rtta jamoa qo‘lga kiritadi.
«Arsenal» va «Manchester Siti» uchun to‘rtta o‘rindan ikkitasi band bo‘lganga o‘xshaydi. «Arsenal» ajoyib mavsumni o‘tkazmoqda, «Siti» esa o‘zgarmas jamoa» - dedi «Liverpul» bosh murabbiyi matbuot anjumanida.
