Italiyalik futbol mutaxassisi, hozirda Madridning “Real” klubi bosh murabbiyi Karlo Anchelotti afsonaviy braziliyalik hujumchi Pelening vafoti haqida fikr bildirdi. 82 yoshli janubiy amerikalik 29 dekabr kuni to‘g‘ri ichak saratoni tufayli vafot etdi.
Anchelotti o‘zining ijtimoiy tarmoqlarida "Qirol, tinch yoting", deb post qoldirdi.
Pele klub darajasida Braziliyaning "Santos" va Amerikaning "Nyu-York Kosmos" klublaridagi o‘yinlari bilan tanilgan. Braziliya terma jamoasi tarkibida hujumchi 92 ta o‘yin o‘tkazib, 77 ta gol urgan. Terma jamoa bilan birgalikda Pele uch marta jahon chempioni bo‘lgan.
