Италиялик футбол мутахассиси, ҳозирда Мадриднинг “Реал” клуби бош мураббийи Карло Анчелотти афсонавий бразилиялик ҳужумчи Пеленинг вафоти ҳақида фикр билдирди. 82 ёшли жанубий америкалик 29 декабрь куни тўғри ичак саратони туфайли вафот этди.
Анчелотти ўзининг ижтимоий тармоқларида "Қирол, тинч ётинг", деб пост қолдирди.
Пеле клуб даражасида Бразилиянинг "Сантос" ва Американинг "Нью-Йорк Космос" клубларидаги ўйинлари билан танилган. Бразилия терма жамоаси таркибида ҳужумчи 92 та ўйин ўтказиб, 77 та гол урган. Терма жамоа билан биргаликда Пеле уч марта жаҳон чемпиони бўлган.
