Adriyen Rabyo «Yuventus» bilan yangi shartnoma borasida muzokaralar olib bormoqda. Insayder Nikolo Skiraning xabar berishicha, fransiyalik yarim himoyachi maoshini 7 million yevrodan o‘n million yevroga oshirishni talab qilmoqda.
27 yoshli futbolchining «keksa sinyora» bilan amaldagi shartnomasi muddati kelasi yilning o‘rtalarigacha hisoblangan.
Agar tomonlar kelishmasa, Rabyoda faoliyatini davom ettirishning boshqa imkoniyatlari bor. Futbolchiga «Manchester Yunayted», «Chelsi» va «Tottenxem» klublari qiziqish bildirmoqda.
Fransiyalik futbolchi joriy mavsum «Yuventus» safida 16 ta o‘yinda maydonga tushib, 5 ta gol va 2 ta golli uzatmaga mualliflik qilgan.
