"Liverpul" bosh murabbiyi Yurgen Klopp joriy mavsum yakunida APLda kuchli to‘rtlikka kirish uchun kurash haqida o‘z fikri bilan o‘rtoqlashdi.
"Bu mavsumda biz kuchli 7 talik haqida gapiryapmiz. Endi hammamiz bilamizki, "Nyukasl" juda kuchli da’vogar. Chempionlar ligasiga faqat to‘rtta jamoa yo‘llanma oladi. Hozir ikki o‘rin qolganga o‘xshaydi - "Arsenal" ajoyib mavsumni o‘tkazmoqda.
Chempionlar ligasiga yo‘l olishimiz uchun mavsumning ikkinchi yarmini ajoyib o‘tkazishimiz kerak. Bu bizning maqsadimiz. Bizda qanday sifatli raqobatchilar borligi aniq, lekin ko‘p narsa baribir o‘zimizga bog‘liq. Boshqa jamoalar kabi bosim ostidamiz, chunki bir necha ochko ortda qolganimizni bilish yoqimli tuyg‘u emas. Bizni ko‘plab ajoyib o‘yinlar bilan ajoyib janglar kutmoqda", - deya Kloppning so‘zlarini keltiradi Daily Mail.
"Arsenal" joriy mavsumda 40 ochko bilan APLda peshqadamlik qilmoqda. "Man Siti" 35 ochko bilan ikkinchi o‘rinda bormoqda. Kuchli uchlikni 33 ochko bilan “Nyukasl” yakunlab turibdi. To‘rtinchi va beshinchi o‘rinlarda "Tottenxem" (30) va "MYU" (29) joy olgan. "Liverpul" 25 ochko bilan oltinchi o‘rinda bormoqda.
