Jahon chempioni Lautaro Martines o‘zining klubi «Inter»da mashg‘ulotlarga qaytdi. Bu haqda Italiya jamoasi matbuot xizmati yozgan.

Eslatib o‘tamiz, Martines Qatarda bo‘lib o‘tgan jahon chempionatining oltin medalini qo‘lga kiritgan bo‘lsada, turnir uning uchun omadsiz bo‘lib chiqdi.

Hujumchi ko‘pincha yaxshi vaziyatlarni o‘tkazib yubordi yoki hakam uning gollarini hisoblamadi. Natijada, turnirda o‘tkazilgan olti uchrashuvning barchasida Martines gol ura olmadi. Futbolchining sog‘ligi bilan bog‘liq muammolar turnir davomida og‘irlashgani haqida xabarlar tarqalgan edi.

Joriy mavsumda «neradzurrilar» uchun Martines terma jamoadagidan yaxshiroq o‘ynamoqda – barcha turnirlarda 21 ta o‘yinda 8 ta gol urdi va 6 ta golli uzatmani amalga oshirdi.