Жаҳон чемпиони Лаутаро Мартинес ўзининг клуби «Интер»да машғулотларга қайтди. Бу ҳақда Италия жамоаси матбуот хизмати ёзган.

Эслатиб ўтамиз, Мартинес Қатарда бўлиб ўтган жаҳон чемпионатининг олтин медалини қўлга киритган бўлсада, турнир унинг учун омадсиз бўлиб чиқди.

Ҳужумчи кўпинча яхши вазиятларни ўтказиб юборди ёки ҳакам унинг голларини ҳисобламади. Натижада, турнирда ўтказилган олти учрашувнинг барчасида Мартинес гол ура олмади. Футболчининг соғлиги билан боғлиқ муаммолар турнир давомида оғирлашгани ҳақида хабарлар тарқалган эди.

Жорий мавсумда «нерадзуррилар» учун Мартинес терма жамоадагидан яхшироқ ўйнамоқда – барча турнирларда 21 та ўйинда 8 та гол урди ва 6 та голли узатмани амалга оширди.