Angliyada milliy chempionat o‘yinlari davom ettirildi, o‘n sakkizinchi turda «Vest Xem» yana mag‘lub bo‘ldi, bu safar o‘z uyida «Brentford»ga birinchi bo‘limdayoq ikkita gol o‘tkazib yubordi.
Biroq «Brentford»ning g‘alabasiga jamoaning eng yaxshi hujumchisi Ivan Tounining jarohat olib, maydondan zambilda olib ketilgani soya soldi.
«Brentford» bosh murabbiyi Tomas Frank sodir bo‘lgan voqeadan xavotirda, ammo u Tounining jarohati jiddiy bo‘lmasligiga umid qilmoqda.
«Og‘riq bor, lekin umid qilamanki, bu juda jiddiy jarohat emas. Bu tizza bilan bog‘liq narsa, takror aytaman, uni yo‘qotmaslikni istardim», dedi Frank.
Keyingi turda «Brentford» o‘z maydonida «Liverpul»ni qabul qiladi.
