Англияда миллий чемпионат ўйинлари давом эттирилди, ўн саккизинчи турда «Вест Хэм» яна мағлуб бўлди, бу сафар ўз уйида «Брентфорд»га биринчи бўлимдаёқ иккита гол ўтказиб юборди.
Бироқ «Брентфорд»нинг ғалабасига жамоанинг энг яхши ҳужумчиси Иван Тоунининг жароҳат олиб, майдондан замбилда олиб кетилгани соя солди.
«Брентфорд» бош мураббийи Томас Франк содир бўлган воқеадан хавотирда, аммо у Тоунининг жароҳати жиддий бўлмаслигига умид қилмоқда.
«Оғриқ бор, лекин умид қиламанки, бу жуда жиддий жароҳат эмас. Бу тизза билан боғлиқ нарса, такрор айтаман, уни йўқотмасликни истардим», деди Франк.
Кейинги турда «Брентфорд» ўз майдонида «Ливерпул»ни қабул қилади.
