"Manchester Yunayted"ning sobiq himoyachisi, hozirda futbol eksperti Gari Nevill portugaliyalik hujumchi Krishtianu Ronalduning "An-Nasr"ga o‘tishi haqidagi fikrlari bilan o‘rtoqlashdi.
"Albatta, endi biz Ronalduni kamroq ko‘ramiz. Ushbu o‘tish bizga bir nechta narsalarni aytib beradi. Birinchidan, Saudiya Arabistoni futbolga qanchalik jiddiy yondashayotgani haqida. Ular bitta o‘yinchiga ko‘p pul sarflashdi. Ular ligani kuchaytirishga harakat qilishmoqda.
Ammo Ronalduga kelsak, u hech bo‘lmaganda mavsum oxirigacha Yevropaning eng yaxshi ligalaridan birida qolib, ko‘proq gol urishni xohlayotgandek tuyuldi. Saudiya Arabistoni klubi bilan shartnoma imzolash to‘g‘risidagi qaror, taklif haqiqatan ham katta ekanligini ko‘rsatadi. Balki Yevropada qiziqish bo‘lgandir, lekin bu variant Krishtianuga to‘g‘ri kelmadi va u shunday tanlov qildi. Bu biroz achinarli, chunki bu Ronalduning eng yuqori darajadagi o‘yinini oxirgi marta ko‘rishimizdir", - deya Nevill so‘zlarini keltiradi Sky Sports.
