"Манчестер Юнайтед"нинг собиқ ҳимоячиси, ҳозирда футбол эксперти Гари Невилл португалиялик ҳужумчи Криштиану Роналдунинг "Ан-Наср"га ўтиши ҳақидаги фикрлари билан ўртоқлашди.

"Албатта, энди биз Роналдуни камроқ кўрамиз. Ушбу ўтиш бизга бир нечта нарсаларни айтиб беради. Биринчидан, Саудия Арабистони футболга қанчалик жиддий ёндашаётгани ҳақида. Улар битта ўйинчига кўп пул сарфлашди. Улар лигани кучайтиришга ҳаракат қилишмоқда.

Аммо Роналдуга келсак, у ҳеч бўлмаганда мавсум охиригача Европанинг энг яхши лигаларидан бирида қолиб, кўпроқ гол уришни хоҳлаётгандек туюлди. Саудия Арабистони клуби билан шартнома имзолаш тўғрисидаги қарор, таклиф ҳақиқатан ҳам катта эканлигини кўрсатади. Балки Европада қизиқиш бўлгандир, лекин бу вариант Криштиануга тўғри келмади ва у шундай танлов қилди. Бу бироз ачинарли, чунки бу Роналдунинг энг юқори даражадаги ўйинини охирги марта кўришимиздир", - дея Невилл сўзларини келтиради Sky Sports.