«Barselona» ustozi Xavi jamoaning hozirgi tarkibi haqida gapirdi.
«Kelgusi transfer oynasigacha biz xotirjam bo‘lishimiz mumkin. Jamoamizdan mamnunman. Mavsum oxirigacha ushbu futbolchilar tanlovidan foydalanishda davom etamiz.
Bizda o‘zi ishtirok etayotgan barcha turnirlarda g‘oliblik uchun kurasha oladigan ajoyib jamoa bor. Asosiy maqsadimiz – barcha turnirlar kubogini yutish», - deb yozdi Xavi.
Ma’lumot uchun, «Barselona» Ispaniya chempionati turnir jadvalida bir o‘yin kam o‘tkazgan holda ikkinchi o‘rinda bormoqda. Xavi shogirdlari peshqadam «Real»dan bir ochko kam jamg‘arishgan.
