"Sevilya"dan ketganidan so‘ng erkin agent maqomiga ega bo‘lgan ispaniyalik yarim himoyachi Isko Italiya chempionatidan klub topishi mumkin, deb xabar bermoqda La Gazzetta dello Sport.
Manbaga ko‘ra, 30 yoshli futbolchi xizmatlariga poytaxtning "Roma" va "Lasio" klublari qiziqish bildirmoqda. Ilgari ispaniyalik futbolchini Angliyaning "Vulverxempton" klubiga o‘tishi haqida xabar tarqalgandi, biroq masala hal etilmay qolgandi
Joriy mavsumda Isko 12 ta o‘yinda maydonga tushib, 2 ta golli uzatmani amalga oshirdi.
Klub darajasida yarim himoyachi "Real" va "Malaga" klublaridagi o‘yinlari bilan tanilgan.
