Niderlandiya terma jamoasi himoyachisi Virjil van Deyk JCH-2022 chorak final o‘yinida Argentina terma jamoasi yarim himoyachisi Leandro Paredesni qanday itarib yuborganini esladi.
Voqea ikkinchi bo‘lim oxirida sodir bo‘ldi. Paredes yana bir nidlerlandiyalik himoyachi Natan Akeni yiqitdi, shundan so‘ng van Deyk yugurib kelib, argentinalik futbolchini turtib yubordi va u maydonga quladi.
"Men odatda bunday qilmayman, lekin men hissiyotga berildim va Paredesni itarib yubordim. Biz hammamiz insonmiz, bu sodir bo‘ladi. Har holda, bu his-tuyg‘ular meni oziqlantiradi, chunki men terma jamoa bilan muvaffaqiyatga erishmoqchiman.
Bizda ajoyib jamoa borligini his qilyapman, Kuman va ko‘plab yoshlarning qaytishi bilan yangi davr boshlanmoqda. Umid qilamanki, yozda Millatlar ligasi finalida ijobiy natijalarga erishamiz. Men ushbu turnirda g‘alaba qozonishni juda xohlayman", - dedi van Deyk Goal bilan suhbatda.
Niderlandiya terma jamoasi JCH-2022 chorak finalida Argentinaga (2:2, penaltilar seriyasida - 3:4) mag‘lub bo‘ldi. Argentinaliklar turnir g‘olibiga aylanishdi va tarixda uchinchi marta jahon chempionligini qo‘lga kiritishdi.
