Нидерландия терма жамоаси ҳимоячиси Виржил ван Дейк ЖЧ-2022 чорак финал ўйинида Аргентина терма жамоаси ярим ҳимоячиси Леандро Паредесни қандай итариб юборганини эслади.
Воқеа иккинчи бўлим охирида содир бўлди. Паредес яна бир нидлерландиялик ҳимоячи Натан Акени йиқитди, шундан сўнг ван Дейк югуриб келиб, аргентиналик футболчини туртиб юборди ва у майдонга қулади.
"Мен одатда бундай қилмайман, лекин мен ҳиссиётга берилдим ва Паредесни итариб юбордим. Биз ҳаммамиз инсонмиз, бу содир бўлади. Ҳар ҳолда, бу ҳис-туйғулар мени озиқлантиради, чунки мен терма жамоа билан муваффақиятга эришмоқчиман.
Бизда ажойиб жамоа борлигини ҳис қиляпман, Куман ва кўплаб ёшларнинг қайтиши билан янги давр бошланмоқда. Умид қиламанки, ёзда Миллатлар лигаси финалида ижобий натижаларга эришамиз. Мен ушбу турнирда ғалаба қозонишни жуда хоҳлайман", - деди ван Дейк Goal билан суҳбатда.
Нидерландия терма жамоаси ЖЧ-2022 чорак финалида Аргентинага (2:2, пенальтилар сериясида - 3:4) мағлуб бўлди. Аргентиналиклар турнир ғолибига айланишди ва тарихда учинчи марта жаҳон чемпионлигини қўлга киритишди.
