Taniqli jurnalist, sharhlovchi Davron Fayziyev O‘zbekiston milliy jamoasi hujumchisi Jaloliddin Masharipovning "An-Nasr"dagi kelajagi haqida fikr bildirdi.
"Jaloliddin Masharipov bilan bog‘liq vaziyat bo‘yicha taxminim
Oxirgi kunlarda uning nomi sport mediasida ko‘p tilga olinmoqda. Ronaldu kelgach, Masharipov "An-Nasr"dan ketadi degan xabarlar chiqdi. Uning o‘zi esa kecha jonli efirda afsonani kutayotganini aytdi.
Jaloliddin garchi so‘ngi o‘inlarda qatnasha olmagan bo‘lsada, klubdan ketish niyati yo‘q. "An-Nasr" vakillari, Rudi Garsiya ham unga ketish talabini qo‘yishmagan. Saudiya va Amirliklarning bir qancha jamoasi unga taklif bilan chiqqani bor gap. Ular vaziyatni kuzatishyapti, Jalol 7-raqamni 77 ga almashtirganidan xabardor. Faqat bir narsa noto‘g‘ri talqin qilingan. Masharipovning o‘zi Ronaldu darajasidagi futbolchiga raqamini taqdim qilishni xohladi.
Klubdagilar shu kunlarda Ronalduning mashg‘ulotlarga qo‘shilishini kutmoqda. Hamyurtimiz ham u bilan tanishish niyatida. Demak, vaziyat qo‘yidagicha: o‘zbek futbolchisiga takliflar bor, ular ko‘rib chiqilmoqda, lekin klub va uning o‘zi ketish masalasida gaplashishmagan. Qolish varianti haqiqatga yaqinroq va shunday bo‘lgani yaxshi, menimcha", - deb yozgan Fayziyev o‘z telegram-kanalida.
