Таниқли журналист, шарҳловчи Даврон Файзиев Ўзбекистон миллий жамоаси ҳужумчиси Жалолиддин Машариповнинг "Ан-Наср"даги келажаги ҳақида фикр билдирди.
"Жалолиддин Машарипов билан боғлиқ вазият бўйича тахминим
Охирги кунларда унинг номи спорт медиасида кўп тилга олинмоқда. Роналду келгач, Машарипов "Ан-Наср"дан кетади деган хабарлар чиқди. Унинг ўзи эса кеча жонли эфирда афсонани кутаётганини айтди.
Жалолиддин гарчи сўнги ўинларда қатнаша олмаган бўлсада, клубдан кетиш нияти йўқ. "Ан-Наср" вакиллари, Руди Гарсия ҳам унга кетиш талабини қўйишмаган. Саудия ва Амирликларнинг бир қанча жамоаси унга таклиф билан чиққани бор гап. Улар вазиятни кузатишяпти, Жалол 7-рақамни 77 га алмаштирганидан хабардор. Фақат бир нарса нотўғри талқин қилинган. Машариповнинг ўзи Роналду даражасидаги футболчига рақамини тақдим қилишни хоҳлади.
Клубдагилар шу кунларда Роналдунинг машғулотларга қўшилишини кутмоқда. Ҳамюртимиз ҳам у билан танишиш ниятида. Демак, вазият қўйидагича: ўзбек футболчисига таклифлар бор, улар кўриб чиқилмоқда, лекин клуб ва унинг ўзи кетиш масаласида гаплашишмаган. Қолиш варианти ҳақиқатга яқинроқ ва шундай бўлгани яхши, менимча", - деб ёзган Файзиев ўз телеграм-каналида.
