"Manchester Yunayted" hujumchisi Markus Reshford "PSJ"ning asosiy transfer maqsadlaridan biri bo‘lib qolmoqda.

Manba bergan xabarga ko‘ra, parijliklar angliyalik futbolchiga mavsum uchun 10 million yevro to‘lashga rozi bo‘lgan.

Futbolchining o‘zi katta moliyaviy taklifga rozi bo‘lishi mumkin, ammo bu transfer yaqin kelajakda amalga oshishi dargumon, chunki Markus "Manchester Yunayted"ning asosiy o‘yinchisiga aylandi.

Eslatib o‘tamiz, joriy mavsumda 25 yoshli angliyalik hujumchi APLda 15 ta o‘yin o‘tkazib, 5 ta gol urdi va 3 ta golli uzatmani amalga oshirdi.