Madridning “Atletiko” klubi qishki transfer oynasida portugaliyalik hujumchi Joau Feliksni ijaraga berishga tayyor, deya xabar beradi The Athletic.
Manba bergan xabarga ko‘ra, ispan klubi olti oylik ijara uchun 15 million yevro olmoqchi. Shuningdek, manfaatdor klub futbolchining maoshini to‘liq to‘lashi kerak va olti oy davomida bu 7 million yevroni tashkil qiladi.
Avvalroq portugaliyalik futbolchiga "Arsenal" va "Manchester Yunayted" klublari qiziqish bildirayotgani haqida xabar berilgandi.
23 yoshli Feliks joriy mavsumda “Atletiko” safida barcha turnirlarda 19 ta o‘yinda maydonga tushib, 5 ta gol urdi va 3 ta golli uzatmani amalga oshirdi.Uning klub bilan shartnomasi 2026 yilning yoziga qadar mo‘ljallangan.
