Мадриднинг “Атлетико” клуби қишки трансфер ойнасида португалиялик ҳужумчи Жоау Феликсни ижарага беришга тайёр, дея хабар беради The Athletic.
Манба берган хабарга кўра, испан клуби олти ойлик ижара учун 15 миллион евро олмоқчи. Шунингдек, манфаатдор клуб футболчининг маошини тўлиқ тўлаши керак ва олти ой давомида бу 7 миллион еврони ташкил қилади.
Аввалроқ португалиялик футболчига "Арсенал" ва "Манчестер Юнайтед" клублари қизиқиш билдираётгани ҳақида хабар берилганди.
23 ёшли Феликс жорий мавсумда “Атлетико” сафида барча турнирларда 19 та ўйинда майдонга тушиб, 5 та гол урди ва 3 та голли узатмани амалга оширди.Унинг клуб билан шартномаси 2026 йилнинг ёзига қадар мўлжалланган.
