Turkiya tashqi ishlar vaziri Mevlut Chavusho‘g‘li braziliyalik afsonaviy futbolchi Pele bilan vidolashuv marosimida ishtirok etdi.
Tadbir Santos shahrida (San-Paulu shtati) Pele 18 yildan ortiq o‘ynagan mahalliy "Santos" futbol klubining "Vila Belmiro" stadionida bo‘lib o‘tdi.
"Santos" prezidenti Andres Ruyeda Chavusho‘g‘li bilan uchrashuv chog‘ida Turkiya prezidenti Rajab Toyyib Erdo‘g‘on va butun turk xalqidan unga hamdardlik bildirdi.
Chavusho‘g‘li "Pele nafaqat sizning qalbingizda, balki butun turk xalqi va butun dunyoning qalbida" - dedi.
Pele 3 yanvar kuni Ekumenika nekropolida dafn etiladi. Majmua Ginnesning rekordlar kitobiga dunyodagi eng baland vertikal qabriston sifatida kiritilgan.
Pele 2022 yilning 29 dekabrida 82 yoshida vafot etdi.
FIFA futbol komissiyasi Peleni eng buyuk futbolchi, Xalqaro olimpiya qo‘mitasi esa 20-asrning eng buyuk sportchisi deb tan oldi.
Pele Braziliyaga 1958, 1962 va 1970 yillarda uchta jahon chempioni bo‘lishiga yordam bergan.
Umuman olganda, terma jamoadagi o‘yinlarida (92 ta o‘yin) u raqiblar darvozasiga 77 ta gol urdi - bu hali ham tengsiz bo‘lgan yutuq.
Pele futbolchilik faoliyati davomida 1363 uchrashuvda 1283 ta gol urgan.
Pele muxlislar orasida “Qora marvarid” laqabini oldi.
Pele (haqiqiy ismi Edson Arantis do Nasimento) 1940 yil 23 oktyabrda Tres Korakoins shahrida (Braziliya sharqidagi Minas-Jerais shtati) tug‘ilgan.
U "Santos" va "Nyu-York Kosmos" klublarida o‘ynagan.
Pele - futbolchi sifatida uch marta jahon chempioni bo‘lgan dunyodagi yagona futbolchi. To‘rtta jahon chempionati ishtirokchisi.
