Bugun, 4 yanvar kuni Angliya Premyer-ligasining 19-turidan o‘rin olgan “Manchester Yunayted” – “Bornmut” uchrashuvi bo‘lib o‘tdi. Jamoalar Manchesterdagi “Old Trafford” stadionida kuch sinashishdi. Uchrashuvning yakuniy hisobi 3:0 mezbonlar foydasiga.

23-daqiqada Kazemiro hisobni ochdi. Unga Kristian Eriksen assistentlik qildi.

Shu tariqa, “Manchester Yunayted” yarim himoyachisi Kristian Eriksen APLdagi 72-golli uzatmasini amalga oshirdi.

Daniyalikning 2013 yil sentyabrida Premer-ligadagi debyutidan beri faqat Kevin De Bryuyne APLda ko‘proq golli uzatmani amalga oshirgan (94).

"Manchester Yunayted" Angliya Premyer-ligasi turnir jadvalida to‘rtinchi o‘rinda bormoqda. Erik ten Xag shogirdlari 17 uchrashuvdan so‘ng 35 ochko jamg‘argan.