"Bornmut" yarim himoyachi Ueston Makkenni uchun "Yuventus"ga 40 million yevro taklif qildi, deb xabar beradi Tuttosport.

Biroq 24 yoshli amerikalik futbolchi faoliyatini davom ettirishning bu variantiga qiziqmayapti. Unga ko‘proq "Borussiya D", "Chelsi" va "Tottenxem" variantlari qiziqroq.

Oldinroq "Yuventus" qishda ikki futbolchi bilan tarkibini kuchaytirishni rejalashtirayotgani, ammo bu faqat Makkenni transfer qilingan taqdirdagina amalga oshishi haqida xabar berilgandi.

Joriy mavsumda futbolchi 16 uchrashuvda 3 ta gol urdi va 1 ta golli uzatmani amalga oshirdi.