"Brentford" "Frayburg" hujumchisi Kevin Shade bilan shartnoma imzolaganini e’lon qildi. 21 yoshli germaniyalik ingliz klubiga joriy mavsum oxirigacha ijara asosida o‘tdi.
Yozda "Brentford" futbolchini sotib oladi va u bilan 5 yillik shartnoma imzolaydi, deb xabar beradi klub matbuot xizmati.
Insayder Fabrisio Romanoning fikricha, 2022/23 yilgi mavsum yakunida transfer summasi 24 million yevroni tashkil qiladi.
Joriy mavsumda forvard “Frayburg” safida barcha turnirlar doirasida 12 ta o‘yinda maydonga tushib, 1 ta gol va 2 ta golli uzatmani amalga oshirdi. Transfermarkt.com portali futbolchining narxini 12 million yevroga baholamoqda.
